Preparation Method

• ஸீ பாஸ் மீனை சுத்தம் செய்து சிறு துண்டுகளாக நறுக்கிக் கொள்ளவும்.
• மீனின் சதையை எடுத்தபின் உள்ள முழுப்பகுதியை (அடிபாகத்தை) தனியாக எடுத்து வைக்கவும்.
• மீன் துண்டுகளுடன் மர வள்ளிக்கிழங்கு மாவு, உப்புத்தூள் சேர்த்து புரட்டி எடுத்து வைக்கவும்.
• பச்சை மிளகு, பெரிய கொத்தில் இருந்து 3 சிறு கொத்துக்களாக எடுத்துக் கொள்ளவும்.
• பச்சை மிளகாய், சிகப்பு மிளகாய் இவற்றை நீளமான துண்டுகளாக நறுக்கிக் கொள்ளவும்.
• வாணலியில் இதயம் நல்லெண்ணெய் ஊற்றி, காய்ந்ததும் மீன் துண்டுகளைப் போட்டு, பொரித்து எடுத்து தனியே வைக்கவும்.
• அதே எண்ணெய்யில் மீனின் அடிப்பகுதியை முழுதாக போட்டு மொறு மொறுப்பாக பொரித்து எடுத்துக் கொள்ளவும்.
• வேறு வாணலியில் 2 மேஜைக்கரண்டி இதயம் நல்லெண்ணெய் ஊற்றி, காய்ந்ததும் பச்சை மிளகாய், மிளகு, சிகப்பு மிளகாய், பச்சை மிளகு, நார்த்தங்காய் இலை போட்டு மொறு மொறுப்பாக வறுத்து, பொரித்த மீன் துண்டுகளைப் போட்டு 1 நிமிடம் வதக்கி, ஃபிஷ் ஸாஸ், சர்க்கரை சேர்த்து கிளறி இறக்கி வைக்கவும்.
• ஃபிஷ் ஸாஸ் சேர்த்து தயாரிக்கப்படும் உணவு வகைகளில் உப்பு சரிபார்த்து, தேவைப்பட்டால் மட்டும் உப்பு சேர்க்க வேண்டும்.
• பரிமாறும் பெரிய தட்டில் பொரித்த மீனின் அடிப்பகுதியை வைத்து, இதன் மீது பொரித்து வைத்துள்ள பச்சை மிளகாய், சிகப்பு மிளகாய், பச்சை மிளகு, நார்த்தங்காய் இலை, பொரித்த மீன் துண்டுகள் கலந்த கலவையைப் பரவலாகப் போட்டு பரிமாறவும்.