Preparation Method

• தண்ணீரைக் கொதிக்க வைத்து இறக்கி ரைஸ் நூடுல்ஸைப் போட்டு 15 நிமிடங்கள் ஆன பின் வடிகட்டி வைக்கவும்.
• பனீர் / டோபுவை துண்டுகளாக நறுக்கி வைக்கவும்.
• வெங்காயம், பூண்டை சிறு துண்டுகளாக நறுக்கிக் கொள்ளவும்.
• கோழிக்கறியை நீள நீளமாக சற்று மெல்லிய துண்டுகளாக நறுக்கிக் கொள்ளவும்.
• வறுத்த வேர்க்கடலையை மிக்ஸியில் போட்டு, பரபரப்பான தூளாக்கிக் கொள்ளவும்.
• நெல்லிக்காய் அளவு புளியை ஊற வைத்து, நீர்க்கக் கரைத்துக் கொள்ளவும்.
• வெங்காயத்தாளின் பச்சை நிறப் பகுதியை 1 அங்குலத்துண்டுகளாக நறுக்கிக் கொள்ளவும்.
• வாணலியில் 2 மேஜைக்கரண்டி இதயம் நல்லெண்ணெய் ஊற்றி, காய்ந்ததும் பனீர் / டோபு துண்டுகளைப் போட்டு அதிகம் சிவக்காமல் லேஸாக வறுத்துக் கொள்ளவும். இவற்றில் இருந்து 3 துண்டுகளை தனியாக எடுத்து வைக்கவும்.
• வேறொரு வாணலியில் மீதமுள்ள எண்ணெய்யை ஊற்றி, காய்ந்ததும் வெங்காயம், பூண்டைப் போட்டு வதக்கவும்.
• கோழிக்கறித் துண்டுகளைப் போட்டு மிதமான தீயில் போட்டு வதக்கவும்.
• கோழிக்கறித் துண்டுகள் வெந்து நன்றாக வதங்கியதும் வேக வைத்துள்ள ரைஸ் நூடுல்ஸைப் போட்டுக் கிளறவும்.
• வெல்லத்தூள், ஃபிஷ் ஸாஸ், புளித் தண்ணீர் இவற்றை சேர்த்துக் கொள்ளவும்.
• முட்டையை உடைத்து ஊற்றி, நன்றாகக் கிளறவும்.
• சில்லி ஃப்ளேக்ஸ் சேர்க்கவும்.
• வேர்க்கடலைத்தூள் சேர்த்துக் கிளறவும்.
• வெங்காயத்தூள் சேர்த்து கிளறவும்.
• வறுத்து வைத்துள்ள டோபு / பனீர் துண்டுகளைப் போட்டுக் கிளறவும்.
• அனைத்தும் நன்றாகக் கலந்துக் கிளறி இறக்கி வைக்கவும்.
• அழகிய பரிமாறும் தட்டில் எடுத்து இதன் மீது தனியாக எடுத்து வைத்துள்ள டோஃபு / பனீர் துண்டுகளையும், வெள்ளரித் துண்டுகளையும் பரவலாகப் போட்டு அலங்கரித்துப் பரிமாறவும்.
• ரைஸ் நூடுல்ஸ் பாக்கெட்டில் இருந்து கண் மதிப்பாக நமக்குத் தேவையான அளவு எடுத்துக் கொள்ளலாம்.
• Fish Sauce கிடைக்காவிட்டால் லோயா ஸாஸ் சேர்த்துக் கொள்ளலாம்.
• Fish Sauce சேர்த்து தயாரிப்பதாக இருந்தால் உப்பு சேர்க்கத் தேவை இல்லை. அல்லது உப்பு சரிபார்த்து தேவைப்பட்டால் மட்டுமே சேர்க்க வேண்டும்.