Preparation Method

• துவரம் பருப்பை வேக வைத்துக் கொள்ளவும்.
• புளியை ஊற வைத்து, நீர்க்கக் கரைத்துக் கொள்ளவும்.
• சேனைக்கிழங்கு மற்றும் சர்க்கரை வள்ளிக் கிழங்கை வேக வைத்து, தோல் நீக்கியபின், பெரிய துண்டுகளாக நறுக்கிக் கொள்ளவும்.
• மற்ற காய்கறிகளை நறுக்கிக் கொள்ளவும்.
• வாணலியில் 1 மேஜைக்கரண்டி இதயம் நல்லெண்ணெய் ஊற்றி, காய்ந்ததும் கத்தரிக்காய் மற்றும் வெண்டைக்காய் துண்டுகளைப் போட்டு வதக்கி, எடுத்து வைத்துக் கொள்ளவும்.
• புளிக்கரைசலை பாத்திரத்தில் ஊற்றி சூடேற்றவும்.
• நறுக்கிய காய்கறிகள் மற்றும் வதக்கிய காய்கறிகள், பட்டாணி இவற்றைப் புளிக்கரைசலில் சேர்த்து வேக விடவும்.
• வெந்ததும், உப்பு, வெல்லம், சாம்பார் பொடி, வேக வைத்துள்ள துவரம்பருப்பு இவற்றை சேர்த்து, குழம்பு கெட்டியானதும் இறக்கி வைக்கவும்.
• வாணலியில் மீதமுள்ள இதயம் நல்லெண்ணெய் ஊற்றி, காய்ந்ததும் பச்சை மிளகாய், போட்டு தாளித்து குழம்பில் சேர்க்கவும்.
• குழம்பில் கறிவேப்பிலை, கொத்தமல்லி இலை போட்டு இறக்கி பரிமாறவும்.