Preparation Method

• தோசைமாவு    தயாராக வைத்துக் கொள்ளவும்.
• வெங்காயத்தை நீளவாக்கில் நறுக்கிக் கொள்ளவும்.
• குடமிளகாயின் விதைகள் நீக்கியபின் சற்று பெரிய முக்கோண வடிவ துண்டுகளாக நறுக்கிக் கொள்ளவும்.
• பேபி கார்னை வட்ட வடிவ துண்டுகளாக நறுக்கிக் கொள்ளவும்.
• கேரட்டை வட்ட வடிவ துண்டுகளாக நறுக்கிக் கொள்ளவும்.
• கோழிக்கறித்துண்டுகளை உப்பு சேர்த்து வேக வைத்துக் கொள்ளவும்.
• பிட்ஸா தோசைக்கு ஸாஸ் தயாரிப்பதற்கு:
• தக்காளி, வெங்காயம், மிளகாய் இவற்றை அரைத்து, சிறிதளவு வெண்ணெய்யில் வதக்கி, எலுமிச்சைச்சாறு சேர்த்து, கிளறி தனியே வைத்துக் கொள்ளவும்.
• பிட்ஸா தோசைக்கு மேலே வைப்பதற்கு:
• வாணலியில் வெண்ணெய் போட்டு லேஸாக உருகியதும் வெங்காயம் போட்டு லேஸாக வதக்கவும் (அதிகமாக வதக்கக்கூடாது).
• அதன்பின் பேபிகார்ன், கேரட், குடமிளகாய் இவற்றை ஒன்றன் பின் ஒன்றாக போட்டு உப்புத்தூள் சேர்த்து வதக்கவும்.
• அதன்பின் வேக வைத்த கோழிக்கறிதுண்டுகளைப் போட்டுக் கிளறி இறக்கி வைத்துக் கொள்ளவும்.
• தோசைக்கல்லை காய வைத்து சிறிதளவு வெண்ணெய் போட்டு, பருமனான தோசையாக ஊற்றவும்.
• தயாரித்து வைத்துள்ள ஸாஸை சிறிதளவு தோசையின் மீது பரவலாக போடவும்.
• இதன்மீது காய்கறி—கோழிக்கறி கலவையில் சிறிதளவு பரவலாக வைக்கவும்.
• பேபி கார்ன், கோழிக்கறி, கேரட், குடமிளகாய் இவை அதிகம் வதங்காமல் இருப்பது அவசியம்.
• காய்கறி—கோழிக்கறி கலவை போட்ட பிறகு, சீஸ் துறுவல் பரவலாக போட்டு மூடி வைக்கவும்.
• அதன்பின் நொறுக்கிய மிளகாயை பரவலாக தூவவும்.
• சுமார் 7 நிமிடங்கள் ஆன பிறகு மூடியைத் திறந்து எடுத்து பரிமாறவும்.
• இது போல தேவையான அளவு பிஸ்ஸா தோசைகள் தயாரிக்கவும்.