வெஜிடபிள் ஸமூசா

Serves
6

Preparation Time: 30 நிமிடங்கள் + 30 நிமிடங்கள்
Cooking Time: 40 நிமிடங்கள்

Likes :

Ingredients

சமூஸா மாவு தயாரிப்பதற்கு:

மைதாமாவு 350 கிராம்
பேக்கிங் பவுடர் (Baking Powder) அரை தேக்கரண்டி
தயிர் 1 மேஜைக்கரண்டி
உப்பு தேவையான அளவு
நெய் 1 மேஜைக்கரண்டி

செய்முறை:

மைதாமாவு, பேக்கிங் பவுடர், உப்புத்தூள் இவற்றை சலித்துக் கொள்ளவும்.
மைதா மாவுடன் தயிர், நெய், சிறிதளவு தண்ணீர் சேர்த்து மென்மையாக பிசைந்து, மூடி 30 நிமிடங்கள் அப்படியே வைக்கவும்,
அதன்பின் மறுபடியும் நன்றாக பிசைந்து, சிறு உருண்டைகளாக பிரித்து வைத்துக் கொள்ளவும்.

மஸாலா தயாரிப்பதற்கு

உருளைக்கிழங்கு 2
கடலைப்பருப்பு 50 கிராம்
பீன்ஸ் 50 கிராம்
முட்டைகோஸ் 50 கிராம்
காலிஃப்ளவர் 50 கிராம்
கேரட் 50 கிராம்
பெரிய வெங்காயம் 1
இஞ்சி அரை அங்குலம்
பச்சை மிளகாய் 2
தக்காளி (சிறியது) 2
தனியாத்தூள் 1 தேக்கரண்டி
கரம் மஸாலாத்தூள் அரை தேக்கரண்டி
மஞ்சள்தூள் அரை தேக்கரண்டி
கொத்தமல்லி இலை 2 மேஜைக்கரண்டி
புதினா இலை 1 தேக்கரண்டி
உலர்ந்த மாதுளம்பழ விதை (Anaradhana) 1 மேஜைக்கரண்டி
மிளகாய்த்தூள் 1 தேக்கரண்டி
உப்புத்தூள் தேவையான அளவு
இதயம் நல்லெண்ணெய் 500 மில்லி லிட்டர்

Preparation Method

மஸாலா செய்முறை:

உருளைக்கிழங்கை வேக வைத்து, தோல் நீக்கி பிசைந்து கொள்ளவும்.
கடலைப்பருப்பை மிருதுவாக வேக வைத்துக் கொள்ளவும்.
வெங்காயம், பச்சை மிளகாய், இஞ்சி இவற்றை பொடியாக நறுக்கிக் கொள்ளவும்.
தக்காளியை மெல்லிய நீளத்துண்டுகளாக நறுக்கிக் கொள்ளவும். காய்கறிகளை பொடியாக நறுக்கிக் கொள்ளவும்.
வாணலியில் இதயம் நல்லெண்ணெய் ஊற்றி, காய்ந்ததும் வெங்காயம், இஞ்சி இவற்றை போட்டு வதக்கவும்.
அதன்பின் மிளகாய்த்தூள், மஞ்சள்தூள், தனியாத்தூள், போட்டு 1 நிமிடம் வதக்கியபின் புதினா, தக்காளி, கொத்தமல்லி, பச்சை மிளகாய் போட்டு நன்றாக வதக்கவும்.
வதக்கியபின் காய்கறிகளைப் போட்டு மிதமான தீயில் வைத்து, காய்கறிகள் வேகும்வரை வதக்கவும்.
அதன்பின் கடலைப்பருப்பைப் போட்டு, உப்பு, கரம்மஸாலாத்தூள். உலர்ந்த மாதுளம்பழ விதை இவற்றை கிளறி இறக்கி, தனியே வைக்கவும்

சமூஸா செய்முறை:

பிசைந்து வைத்துள்ள மாவை சிறு உருண்டைகளாக பிரித்துக் கொள்ளவும்.
ஒரு உருண்டையை பூரிப்பலகை மீது வைத்து மிக மெல்லிய வட்டமாகத் தேய்க்கவும்.
வட்டத்தை அரை வட்டமாக நறுக்கிக் கொள்ளவும்.
அரை வட்டமாக நறுக்கியபின் 'கோன்' வடிவமாக செய்து இதனுள் மஸாலாவை நிரப்பவும்.
விரலால் தண்ணீர் தொட்டு ஒட்டிக் கொள்ளவும்.
இது போல எல்லா உருண்டைகளையும் செய்து வைத்துக் கொள்ளவும்.
30 நிமிடங்கள் அப்படியே வைக்கவும்.
வாணலியில் இதயம் நல்லெண்ணெய் ஊற்றி, காய்ந்ததும் எண்ணெய்யில் ஒரு தடவைக்கு 4 அல்லது 5 வீதம் போட்டு, பொன் நிறமாக பொரித்து எடுத்து பரிமாறவும்.