Preparation Method

• துவரம்பருப்பை வேக வைத்துக் கொள்ளவும்.
• காய்கறிகளை நறுக்கி வைத்துக் கொள்ளவும்.
• வாணலியை காய வைத்து, காய்ந்ததும் கடலைப்பருப்பு மற்றும் உளுத்தம்பருப்பை சிவக்க வறுத்து எடுத்து தனியே வைக்கவும்.
• அதே வாணலியில் 1 தேக்கரண்டி இதயம் நல்லெண்ணெய் ஊற்றி, காய்ந்ததும் பெருங்காயத்தூள், தனியா, சீரகம், கடுகு, வெந்தயம், மிளகு, மிளகாய், பட்டை இவற்றைப் போட்டு லைட் ப்ரவுன் கலராக வறுத்து, தேங்காய் துறுவல் சேர்த்து 1 நிமிடம் கிளறியபின் இறக்கி வைக்கவும்.
• வறுத்து தனியே எடுத்து வைத்த கடலைப்பருப்பு மற்றும் உளுத்தம்பருப்பை தூளாக்கிக் கொள்ளவும்.
• அதன்பின் எண்ணெய் ஊற்றி வதக்கிய பொருட்களை சிறிதளவு தண்ணீர் சேர்த்து அரைத்துக் கொள்ளவும்.
• குக்கரில், 6 கப் தண்ணீர் ஊற்றி, வேக வைத்துள்ள துவரம்பருப்பு மற்றும் அரிசி போட்டு குக்கரை மூடி வெயிட் போடவும்.
• 1 விசில் சப்தம் கேட்டதும் மிதமான தீயில் 4 நிமிடங்கள் வைத்திருந்த பின் இறக்கி வைக்கவும்.
• வெயிட் தானாக எடுக்க வரும் வரை காத்திருக்கவும்.
• வாணலியில் மீதமுள்ள இதயம் நல்லெண்ணெய் ஊற்றி, காய்ந்ததும் கடுகு, பெருங்காயத்தூள், சிகப்பு மிளகாய் (கிள்ளியது), பச்சை மிளகாய், கறிவேப்பிலை இவற்றைப் போட்டு தாளித்து, வெங்காயம் போட்டு வதக்கவும்.
• வெங்காயம் வதக்கியபின் காய்கறிகளைப் போட்டு சுமார் 10 நிமிடங்கள் ஆனபின் காய்கறி வெந்துள்ளதா என பார்த்து மஞ்சள்தூள் மற்றும் தேங்காய் துறுவல் சேர்த்து அரைத்த மஸாலாவை சேர்க்கவும்.
• அதன்பின் தூளாக்கிய கடலைப்பருப்பு, உளுத்தம்பருப்பை சேர்த்து கிளறவும்.
• அனைத்தும் நன்றாக ஒன்று சேர்ந்ததும் குக்கரைத் திறந்து காய்கறி கலவையைப் போட்டு கிளறி விடவும்.
• உப்பு மற்றும் புளிக்கரைசலை ஊற்றி கிளறி விடவும்.
• சர்க்கரை அல்லது வெல்லத்தூள், நெய், கறிவேப்பிலை சேர்த்து கிளறி, இறக்கியபின் பிஸி பேளா பாத்—உடன் உருளைக்கிழங்கு சிப்ஸ் வைத்து பரிமாறவும்.