Preparation Method

• கோழிக்கறித் துண்டுகளுடன் உப்பு, எலுமிச்சைச்சாறு, மஞ்சள்தூள், 1 தேக்கரண்டி மிளகாய்த்தூள் இவற்றைக் கலந்து 2 மணி நேரம் ஊற விடவும்.
• வெங்காயம், பச்சை மிளகாயை நறுக்கிக் கொள்ளவும்.
• வாணலியில் 1 தேக்கரண்டி இதயம் நல்லெண்ணெய் ஊற்றி, காய்ந்ததும் தனியாத்தூள், சோம்பு, மிளகாய், பட்டை, கிராம்பு, ஏலக்காய், சீரகம் இவற்றைப் போட்டு வறுத்து எடுத்து அரைத்து வைத்துக் கொள்ளவும்.
• தேங்காய்த்துறுவல் மற்றும் கொத்தமல்லி இலையை வழுவழுப்பாக அரைத்துக் கொள்ளவும்.
• அடி கனமான பாத்திரத்தில் இதயம் நல்லெண்ணெய் ஊற்றி, காய்ந்ததும் வெங்காயம், பச்சை மிளகாய் போட்டு வதக்கவும்.
• அதன்பின் ஊற வைத்துள்ள கோழிக்கறித் துண்டுகளைப் போட்டு 5 நிமிடங்கள் வதக்கியபின் மீதமுள்ள மிளகாய்த்தூள் சேர்த்துக் கிளறி மூடி வைக்கவும்.
• மேலும் 5 நிமிடங்கள் ஆனபின் கோழிக்கறி வேகுவதற்கு தேவையான தண்ணீர் ஊற்றவும்.
• கோழிக்கறித் துண்டுகள் வெந்ததும் இஞ்சி—பூண்டு அரைத்தது போட்டுக் கிளறவும்.
• கிளறியபின் வறுத்து அரைத்த மஸாலா சேர்த்து நன்றாக கிளறி, தேங்காய் அரைத்த கலவை சேர்த்து அனைத்தும் நன்றாக கலந்ததும் உப்பு சரி பார்த்து கொள்ளவும்.
• குழம்பு பதம் வந்ததும் இறக்கி, பரிமாறவும்.