Preparation Method

• அரிசியை தனியாகவும், அவல், உளுந்தை தனியாகவும் மற்றும் வெந்தயத்தை சேர்த்தும் 5 மணி நேரம் ஊற வைக்கவும்.
• வெங்காயத்தை பொடியாக நறுக்கிக் கொள்ளவும்.
• அதன்பின் அரிசி, வெந்தயம், அவல் இவற்றுடன் பச்சை மிளகாய், உப்பு சேர்த்து அதிக இளக்கமாகவோ அதிக கெட்டியாகவோ இல்லாமல் ஆட்டிக் கொள்ளவும்.
• உளுந்தை ஆட்டி, அரிசி மாவுடன் கலந்து கொள்ளவும்.
• ஆட்டிய மாவை 10 மணி நேரம் மூடி வைக்கவும். (இரவில் ஆட்டி, காலையில் தயாரிக்கலாம்.)
• வாணலியில் 1 தேக்கரண்டி இதயம் நல்லெண்ணெய் ஊற்றி, காய்ந்ததும் கடுகு, கடலைப்பருப்பு, கறிவேப்பிலை போட்டு தாளித்து வெங்காயம் போட்டு வதக்கியபின் மாவில் கலந்து கொள்ளவும்.
• குழி பணியார சட்டியை காய வைத்து, காய்ந்ததும் ஒவ்வொரு குழியிலும் சிறிதளவு இதயம் நல்லெண்ணெய் ஊற்றி, லேஸாக காய்ந்ததும் கரண்டியில் சிறிதளவு மாவை எடுத்து குழிகளில் ஊற்றி, மேலும் சிறிதளவு இதயம் நல்லெண்ணெய் ஊற்றவும்.
• பணியாரம் வேகும் பொழுது மேல் பகுதியில் சிறு சிறு துளைகள் உண்டாகும் அப்போது திருப்பி விடவும்.
• இரண்டு பக்கமும் சிவந்ததும் எடுத்து பரிமாறவும்.